«Qalbimda bir inson qismati haqida qissa bitish istagi bor... Shunday bir insonki, u biror jiddiy qadam tashlashdan avval har bir kimsaning gapiga quloq tutadi, hamma bilan bamaslahat ish ko‘radi. Oqibatda, hayot tajribasida har bir masala bo‘yicha odamlarning qarashlari bir-biriga zid va qarama-qarshi ekaniga uzil-kesil ishonch hosil qiladi. Va nihoyat, u faqat va faqat o‘z qalbi hamda ichki ovoziga quloq tutmoq kerak degan qat’iy xulosaga keladi-da, shu lahzaning o‘zidayoq barcha ikkilanishlardan xalos bo‘lib, benihoya qudratli insonga aylanadi...»
O‘xshash fikrlar
Endi jim turasiz,
sira iloj yo‘q —
dunyo o‘zgarmadi siz aytgan so‘zdan, siz qurgan qasrlar vayrona bo‘ldi, alaflarga to‘ldi siz og‘gan o‘zan.
Endi jim turasiz,
og‘ir, bilaman,
ammo har kimsaga taqdir nasibdir,
bilmoqchi bo‘lsangiz agar, shoirlik jasorat so‘zining tarjimasidir.
Endi jim turasiz,
Eshiting elni,
el aslo demaydi, zog‘lar kuylasin, endi kengliklarda haq so‘ramasdan, yerni bezab yotgan bog‘lar kuylasin.
Kuylasin,
keldi-da kuylamoq gali,
kuylasin mangulik qo‘shiqlarini, buzsin-da siz kabi aqli qisqalar xatarsirab turgan to‘siqlarini.
Ana... quloq soling...
eshityapsizmi,
kuylar shoir shamol,
kuylar shoir qor,
shoir qorong‘ilik,
shoir tog‘larda
shoir daryolarning shovillashi bor.
Shavkat Rahmon
sira iloj yo‘q —
dunyo o‘zgarmadi siz aytgan so‘zdan, siz qurgan qasrlar vayrona bo‘ldi, alaflarga to‘ldi siz og‘gan o‘zan.
Endi jim turasiz,
og‘ir, bilaman,
ammo har kimsaga taqdir nasibdir,
bilmoqchi bo‘lsangiz agar, shoirlik jasorat so‘zining tarjimasidir.
Endi jim turasiz,
Eshiting elni,
el aslo demaydi, zog‘lar kuylasin, endi kengliklarda haq so‘ramasdan, yerni bezab yotgan bog‘lar kuylasin.
Kuylasin,
keldi-da kuylamoq gali,
kuylasin mangulik qo‘shiqlarini, buzsin-da siz kabi aqli qisqalar xatarsirab turgan to‘siqlarini.
Ana... quloq soling...
eshityapsizmi,
kuylar shoir shamol,
kuylar shoir qor,
shoir qorong‘ilik,
shoir tog‘larda
shoir daryolarning shovillashi bor.
Shavkat Rahmon
Izohlar
Izoh qoldirish uchun kiring yoki ro‘yxatdan o‘ting.